«Բարսելոնայի» մարզական տնօրեն Դեկոն կիսվել է թիմի գլխավոր մարզիչ Հանս-Դիտեր Ֆլիկի մասին իր կարծիքով։
Գերմանացի մարզիչն իր պաշտոնը ստանձնեց անցյալ ամառ՝ փոխարինելով Չավի Էրնանդեսին: Նոր մարզչի գլխավորությամբ առաջին չորս հանդիպումներում ակումբը չորս հաղթանակ տարավ։
«Տեղեկանալով Չավիի որոշման մասին՝ մենք անմիջապես կենտրոնացանք Ֆլիկի թեկնածության վրա։ Փորձ ունի, հանգիստ է։ Այս մարզիչը ոչ միայն ուժեղ բնավորություն ունի, այլեւ գիտի, թե ինչպես վարվել, քանի որ անցյալում շատ բան է տեսել։ Նա երկար տարիներ մարզում է։ Նրա որակները տեղավորվում են մեր տեսլականի մեջ»,- ասել է Դեկոն Diario AS-ին:
