Սան Իսիդրոի դատարանը հետաձգել է արգենտինացի լեգենդար ֆուտբոլիստ Դիեգո Մարադոնայի մահվան գործով դատական ​​նիստը։ Այս մասին հայտնում է ESPN-ը։

Ըստ աղբյուրի՝ անզգուշությամբ սպանության մեջ մեղադրվող ութ բուժաշխատողների դատավարությունը հետաձգվել է հինգշաբթի օրը դատարանի որոշմամբ։

Նշվում է, որ ութ կասկածյալներից երեքը խնդրել են հետաձգել դատավարության մեկնարկը։

Դատարանի որոշման մեջ նշվում է, որ դատաքննությունը կսկսվի մարտի 11-ին։ Սա դատավարության մեկնարկի երկրորդ հետաձգումն է, որի սկզբնական ամսաթիվը եղել է մայիսի 4-ը, սակայն այն հետաձգվել է մինչև հոկտեմբերի 1-ը։

Հիշեցնենք, որ Մարադոնան մահացել է 2020 թվականի նոյեմբերի 25-ին 60 տարեկան հասակում։