ՊՍԺ-ն կարող է տրանսֆերային արգելք կրել, եթե ակումբը չկարողանա մարել նախկին հարձակվող Կիլիան Մբապպեին ունեցած 55 միլիոն եվրո պարտքը, հայտնում է L’Équipe-ը։

Աղբյուրի համաձայն՝ չնայած Ֆրանսիայի պրոֆեսիոնալ ֆուտբոլային լիգայի (LFP) իրավական կոմիտեն որոշել է, որ ՊՍԺ-ն պետք է Մբապպեին վճարի նշված գումարը, ակումբը մտադիր չէ դա անել։

LFP-ն չի կարող ստիպել ՊՍԺ-ին վճարել 55 միլիոն եվրո, սակայն իրավունք ունի պատժամիջոցներ կիրառել ֆրանսիական հսկայի նկատմամբ: Այդ պատժամիջոցներից մեկը կարող է լինել տրանսֆերների արգելքը։

Ավելի վաղ հարձակվողը ՊՍԺ-ից պահանջել էր իրեն վճարել 2024 թվականի ապրիլ, մայիս և հունիս ամիսների աշխատավարձերն ու բոնուսները։