«Չելսիի» հարձակվող Դավիդ Դատրո Ֆոֆանան մոտ է Թուրքիա տեղափոխվելուն։ 21-ամյա ֆուտբոլիստը վարձավճարով կտեղափոխվի «Գյոզտեպե»՝ հետագայում գնման տարբերակով, հայտնում է ինսայդեր Նիկոլո Սկիրան։

Ավելի վաղ ֆուտբոլիստը մոտ էր հունական ԱԵԿ տեղափոխվելուն, սակայն տրանսֆերը ձախողվեց վերջին պահին՝ որոշ տարաձայնությունների պատճառով։

Կոտդիվուարցու պայմանագիրը «Չելսիի» հետ նախատեսված է մինչև 2029 թվականը։

Անցած մրցաշրջանում Ֆոֆանան վարձավճարով հանդես էր գալիս «Ունիոն Բեռլինում» և «Բարնլիում»։