«Միլանի» լեգենդ Պաոլո Մալդինին խոսել է ուրուգվայցի հարձակվող Լուիս Սուարեսի մասին։ Իտալացին Սուարեսին չի համարում ֆուտբոլի պատմության լավագույն կենտրոնական հարձակվողը։
«Ինձ ծիծաղելի և տխուր է թվում, երբ լսում եմ, որ երիտասարդները Լուիս Սուարեսին անվանում են պատմության լավագույն կենտրոնական հարձակվողը։ Ես խաղացել եմ Ռոնալդուի դեմ և չեմ կարող պատկերացնել, որ նա սուզվի, սադրի կամ կծի իր մրցակիցներին»,- Մալդինիի խոսքերն է մեջբերում Football Tweet-ը։
Հիշեցնենք, որ օրերս Լուիս Սուարեսն իր վերջին հանդիպումն է անցկացրել Ուրուգվայի հավաքականի կազմում։
