Աշխարհի 2026 թվականի առաջնության ընտրական խաղում Կոլումբիայի հավաքականը հաղթել է Արգենտինային։ Սեպտեմբերի 10-ին Բարանկիլայում կայացած հանդիպումն ավարտվել է 2։1 հաշվով՝ հօգուտ կոլումբացիների։

Խաղի հաշիվը 25-րդ րոպեին բացեց Յերսոն Մոսկերան՝ գրավելով Խամես Ռոդրիգեսի փոխանցումից հետո։ Արգենտինան հավասարեցրեց հաշիվը 48-րդ րոպեին Նիկոլաս Գոնսալեսի գոլի շնորհիվ: 60-րդ րոպեին Խամեսը 11-մետրանոց վաստակեց ու գրավեց մրցակցի դարպասը։ Այս գոլը դարձավ հաղթական գոլը։

Արգենտինայի հավաքականի առաջատար Լիոնել Մեսսին վնասվածքի պատճառով չի մասնակցել հանդիպմանը։

Արգենտինան 2023 թվականի նոյեմբերի 17-ից հետո առաջին անգամ պարտվեց՝ դադարեցնելով 12-խաղյա անպարտելի շարքը։ Միաժամանակ Ալբիսելեստեն 8 տուրից հետո 18 միավորով շարունակում է գլխավորել որակավորման աղյուսակը։ Կոլումբիան 16 միավորով բարձրացավ երկրորդ տեղ։