«Բարսելոնան» ակումբի պաշտոնական կայքում 114,99 եվրոյով վաճառում է թիմի նոր արտագնա մարզաշապիկը: Միևնույն ժամանակ, եթե «Բլաուգրանայի» երկրպագուն ցանկանա իր մարզաշապիկի վրա դնել իր անունը և համարը, նա պետք է վճարի 184,99 եվրո։

Ինչպես հայտնում է Mundo Deportivo-ն, այս գները կատալոնական ակումբի նոր մարզաշապիկը դարձնում են պատմության մեջ ամենաթանկը։

Ընդգծվում է, որ, օրինակ, «Ռեալի» մարզաշապիկի հիմնական տարբերակն արժե 15 եվրոյով ավելի քիչ, քան «Բարսելոնայինը»։ Այնուամենայնիվ, անունով և համարով մարզաշապիկը նույնպես մադրիդյան ակումբի երկրպագուներին կարժենա 184,99 եվրո։

Հիշեցնենք, որ Լա Լիգայի չորս տուրից հետո «Բարսելոնան» վաստակել է 12 միավոր և առաջին տեղում է։