ՊՍԺ-ի նախկին մարզիչ Մաուրիսիո Պոչետինոն խոսել է թիմի նախկին ֆուտբոլիստ, իսկ այժմ Մադրիդի «Ռեալի» հարձակվող Կիլիան Մբապպեի մարտավարության և ֆրանսիացու ինքնազարգացման հետաքրքրության մասին։
«Նա իր երեկոներն անցկացնում էր տանը՝ ֆուտբոլ դիտելով, անսպասելիորեն զանգահարելով մեզ կամ ուղարկելով վերլուծվող հանդիպումների լուսանկարներ և տեսանյութեր։ Նա նույնիսկ դիտել է Պորտուգալիայի երկրորդ լիգայի հանդիպումները և մեզ հարցեր տվել։
Նա այս ամենն արեց՝ սովորելու և ավելի լավը դառնալու համար, նույնիսկ լինելով լավագույնը»,- Պոչետինոյի խոսքերը մեջբերում է Relevo-ն։
Արգենտինացի մասնագետի վերջին աշխատավայրը եղել է Լոնդոնի «Չելսին», որտեղ նա աշխատել է 2023 թվականի ամառից մինչև 2024 թվականի մայիսը։ Այս ընթացքում նրա գլխավորությամբ «Չելսին» բոլոր մրցաշարերում անցկացրել է 51 հանդիպում, որոնցում հաղթել են 27 անգամ, 10 անգամ ոչ-ոքի են խաղացել, 14 անգամ էլ պարտվել են։
