Մադրիդի «Ռեալի» պաշտպան Դանի Կարվախալը խոստովանել է, որ կարող է շարունակել իր կարիերան MLS-ում, երբ գա մադրիդյան ակումբը լքելու ժամանակը։

32-ամյա աջ պաշտպանն անցկացրեց իր կարիերայի լավագույն մրցաշրջաններից մեկը՝ օգնելով «Ռեալին» հաղթել Լա Լիգայում և Չեմպիոնների Լիգայում, իսկ Իսպանիայի հավաքականի հետ հաղթել EURO-2024-ը։

«ԱՄՆ տեղափոխվելը հնարավոր է։ Երբ ես որոշեմ չխաղալ «Ռեալում», ես չեմ խաղա Եվրոպայում, և այլընտրանքները զգալիորեն կկրճատվեն», – ասել է Կարվախալը The Athletic-ին։

Ֆուտբոլիստի պայմանագիրը «Ռեալի» հետ ավարտվում է 2025 թվականի հունիսին։