«Բարսելոնայի» վինգեր Ռաֆինյա Դիասը մտածում էր ակումբից հեռանալու մասին:
Բրազիլացին դժվարացել է հարմարվել 2022 թվականի ամռանը «Լիդսից» միանալուց հետո:
«Այո, ես մտածում էի հեռանալու մասին: Առաջին վեց ամիսները դժվար էին ինձ և իմ ընտանիքի համար: Աշխարհի առաջնությունից հետո ես վերադարձա և կարողացա լավ անցկացնել այդ մրցաշրջանը: Ես սկսեցի ավելի հանգիստ զգալ, բայց դա իսկապես կոպիտ սկիզբ էր: Ինձ համար դժվար էր հարմարվել, և ես բազմիցս մտածել եմ հեռանալու մասին»,- ասել է Ռաֆինյան RAC1-ին տված հարցազրույցում:
27-ամյա ֆուտբոլիստը «Բարսելոնայի» կազմում անցկացրած 91 խաղում դարձել է 23 գոլի և 28 գոլային փոխանցման հեղինակ:
