«Վալենսիայի» հարձակվող Ռաֆա Միրին ոստիկանությունը ձերբակալել է սեռական ոտնձգությունների կասկածանքով։
Ինչպես հայտնում են իսպանական լրատվամիջոցները, 27-ամյա ֆուտբոլիստը ներկայումս կալանքի տակ է և սպասում է ոստիկանություն ցուցմունք տալու հնարավորությանը։
Ըստ Relevo-ի՝ Միրը ձերբակալվել է երկուշաբթի երեկոյան ենթադրյալ հանցագործության համար և բաց է թողել երեքշաբթի առավոտյան մարզումները։ Ֆուտբոլիստի տանը տեղի ունեցած միջադեպից հետո երկու կանայք շաբաթ երեկոյան պաշտոնական բողոք են ներկայացրել ոստիկանություն։ Բերման է ենթարկվել նաև ներկա գտնվող ևս մեկ տղամարդ։
«Վալենսիան» դեռ չի մեկնաբանել իրավիճակը, սակայն գործում է անմեղության կանխավարկածի հիման վրա։
