Մադրիդի «Ռեալի» գլխավոր մարզիչ Կառլո Անչելոտտին մեկնաբանել է Լա Լիգայի 3-րդ տուրում «Լաս Պալմասի» հետ ոչ-ոքին (1:1).

«Առաջին խաղակեսը վատ էր, մեզ համար դժվար էր տարբերակներ գտնել՝ խաղալու, գնդակը վերադարձնելու, հավասարակշռությունը պահպանելու համար… Այս ամենն արդեն ունեինք «Մալյորկայի» հետ խաղում (1:1): Պետք է արագ լուծում փնտրել, և կարծում եմ՝ կգտնենք այն։

Մեզ համար դժվար է նախորդ մրցաշրջանի պես ամուր դիրք գրավել, բայց արդարացումներ փնտրել պետք չէ։ Օրացույցը սեղմ է, պետք է արագ լուծում գտնել, կիրակի խաղ ունենք։

Մենք պետք է ավելի լավ հաղորդենք մեր ռազմավարությունը խաղադաշտում, կենտրոնանանք և լավ հանդես գանք: Այս երեք խաղերն ինձ ցույց տվեցին շատ բաներ, որոնք այնքան էլ լավ չեն ստացվում:

Դանդաղ ենք խաղում, շարժունակության պակաս ունենք, գնդակը հասնում է հարձակվողներին, երբ մրցակիցները ամուր պաշտպանվում են, դժվարանում ենք գծերի միջև տարածություններ գտնել… Լավ ճնշում էինք գործադրում, բայց պետք է ավելի լավ տիրել գնդակին։