Լոնդոնի «Արսենալի» 26-ամյա դարպասապահ Աարոն Ռեմսդեյլը տեղափոխվել է «Սաութհեմփթոն», հայտնում է թիմի մամուլի ծառայությունը։
Ֆուտբոլիստի պայմանագիրը նոր ակումբի հետ նախատեսված է մինչև 2028 թվականի ամառը։
Transfermarkt-ի տվյալներով՝ «Սաութհեմփթոնը» Ռեմսդեյլի տրանսֆերի համար «զինագործներին» վճարել է մոտ 21,5 միլիոն եվրո։
Ռեմսդեյլը լոնդոնյան ակումբում հանդես է գալիս 2021 թվականի ամռանից։ Այս ընթացքում նա բոլոր մրցաշարերում մասնակցել է 89 հանդիպման, որոնցից 32-ում դարպասն անառիկ է պահել։
