«Յուվենտուսի» գլխավոր մարզիչ Տիագու Մոտտան կիսվել է թուրինյան ակումբում կատարած աշխատանքի մասին՝ «Վերոնայի» հետ Իտալիայի առաջնության 2-րդ տուրի հանդիպման նախօրեին.
«Առաջնության 1-ին տուրից հետո ամուր կանգնած ենք հողի վրա։ Վաղը մենք հանդիպում ունենք մի թիմի հետ, որը լավ մարզավիճակում է Սկուդետտոյի գլխավոր հավակնորդներից մեկին հաղթելուց հետո։ Տանը «Կոմոյի» հետ խաղացինք, լավ ֆուտբոլ ցուցադրեցինք ու լավ արդյունքի հասանք։ Վաղը ես այլ պատմություն եմ սպասում, և մենք պետք է պատրաստ լինենք ամեն ինչի։
Եթե դրսից նայես, ամեն ինչ կարող է այլ կերպ թվալ, բայց ներսից իմ կյանքը գեղեցիկ է։ Ես վաղ եմ արթնանում մեծ էներգիայով և ոգևորությամբ՝ մարզումների գալու համար: Ես հանդիպում եմ ֆանտաստիկ մարդկանց, ովքեր ունեն նույն ոգևորությունը։ Ես հանդիպում եմ տղաների, ովքեր գալիս են կատարելագործվելու մեծ ցանկությամբ»,- Մոտտայի խոսքերն է մեջբերում Mundo Deportivo-ն:
