Ռոմելու Լուկակուն «Նապոլիում» տարեկան կվաստակի 8 միլիոն եվրո։
Ըստ ինսայդեր Ջանլուկա դի Մարցիոյի՝ ֆիքսված գումարից բացի, բելգիացու պայմանագրում նախատեսված է բոնուսային մաս, որի մանրամասները չեն բացահայտվում։ Պայմանագրի ժամկետը կլինի 3 տարի։
Ավելի վաղ հայտնի էր դարձել, որ «Չելսին» համաձայնել է 30 միլիոն եվրոյի դիմաց 31-ամյա հարձակվողին վաճառել «Նապոլիին»։ Եվս 15 մլն տրամադրվում է որպես բոնուս։
Անցած մրցաշրջանում Լուկակուն վարձավճարով խաղում էր «Ռոմայում»: Նա անցկացրել է 47 հանդիպում, դարձել 21 գոլի և 4 գոլային փոխանցման հեղինակ։
