Սաուդյան «Ալ-Նասր» ակումբում, որի գլխավոր աստղը Կրիշտիանու Ռոնալդուն է, ճգնաժամ է զարգանում Սաուդյան Արաբիայի ներդրումային հիմնադրամի նախկին ֆինանսավորման դադարեցման ֆոնին, հայտնում է Essentially Sports-ը։
Վարչության որոշ անդամներ արդեն լքել են ակումբը։ Մասնավորապես, խորհրդի անդամ Կաֆարի Ալ-Կաֆարին հրաժարական է տվել այն բանից հետո, երբ նախագահ Իբրահիմ բեն Աբդուլլահ Ալ-Մուհեյդիբը լքել է ակումբը։ Նախագահը հանդիպել է բարձրաստիճան ղեկավարության հետ՝ նոր ֆուտբոլիստներ ձեռք բերելու և ֆինանսավորման հարցում օգնություն խնդրելու համար, ինչը մերժվել է։
Ամբողջ նախագիծը կառուցված էր Ռոնալդուի շուրջ, որին այժմ խնդրում էին լռել ներքին խնդիրների մասին։ Շատ աստղեր, որոնք ներկայումս կազմում են թիմը, արդեն ցանկանում են հեռանալ, իսկ ակումբը չի պատրաստվում նորեկներ ձեռք բերել։ Նշվում է, որ դա վրդովեցնում է պորտուգալացուն։
Կրիշտիանուն բազմիցս փորձել է հանդիպում կազմակերպել բարձրագույն ղեկավարության հետ, սակայն ստացել է բացասական պատասխան։
