Ինչպես իտալացի ինսայդեր Ֆաբրիցիո Ռոմանոն գրել է իր «X» սոցիալական ցանցում, «Ֆիորենտինայի» կենտրոնական կիսապաշտպան Սոֆյան Ամրաբատը կարող է հայտնվել «Նապոլիում»:
Ակումբի ներկայացուցիչները պաշտոնական խնդրանքով դիմել են Մարոկկոյի հավաքականի խաղացողի տրանսֆերի համար, ում պայմանագիրը նախատեսված է մինչև հաջորդ ամառ։
Հիշեցնենք, որ «մանուշակները» դեմ չեն 28-ամյա խաղացողից բաժանվելուն, քանի որ նախորդ մրցաշրջանում նրան վարձավճարով ուղարկեցին «Մանչեսթեր Յունայթեդ», սակայն մանկունիանցիները չգնեցին Ամրաբատին, ով «Մանչեսթեր Յունայթեդի» կազմում ընդհանուր առմամբ 30 հանդիպում է անցկացրել և ոչ մի գոլ չի խփել:
