Թուրինի «Յուվենտուսի» վինգեր Ֆեդերիկո Կիեզան հնարավորություն ունի տեղափոխվել Իսպանիայի առաջնություն, հաղորդում է լրագրող Միրկո դի Նատալեն։
Աղբյուրի համաձայն՝ իտալացի աստղի ծառայություններով հետաքրքրված է կատալոնական «Բարսելոնան»։ «Կապտանռնագույնների» ղեկավարությունը «ծեր սինյորայի» ֆուտբոլիստի համար առաջարկել է 10 միլիոն եվրո։ Ավելի վաղ հայտնի էր դարձել, որ «Յուվենտուսի» նոր մարզչական շտաբը հետաքրքրված չէ Կիեզայի ծառայություններով։
Նախորդ մրցաշրջանում 26-ամյա եզրային հարձակվողը Ա Սերիայում անցկացրել է 33 հանդիպում։ Ֆեդերիկոն դարձավ 9 գոլի և 2 գոլային փոխանցման հեղինակ։
