«Բրենթֆորդը» պատրաստ է ընդունել հարձակվող Իվան Թոնիի առաջարկը։
Անգլիացու համար բանակցություններ է վարում սաուդյան «Ալ-Ահլին», ինչպես վերջերս հայտնի դարձավ հավաստի աղբյուրներից։ Ըստ Sun Sport-ի տեղեկությունների՝ «Բրենթֆորդը» կարող է վաճառել Թոնիին մինչև այս շաբաթվա վերջ. «մեղուները» կբավարարվեն 45 միլիոն ֆունտ ստեռլինգ (գրեթե 53 միլիոն եվրո) առաջարկով: «Չելսին» դեռ դուրս չի մնացել 28-ամյա հարձակվողի համար պայքարից, և վերջին պահին կարող է առաջարկ անել։
Իվան Թոնիի պայմանագիրը «Բրենթֆորդի» հետ ավարտվում է հաջորդ տարվա կեսերին։ Ոչ վաղ անցյալում ֆուտբոլիստի նկատմամբ հետաքրքրություն են ցուցաբերում նաև «Արսենալը», «Թոթենհեմը» և «Մանչեսթեր Յունայթեդը»:
