«Նապոլիի» գլխավոր մարզիչ Անտոնիո Կոնտեն պատասխանել է լրագրողների հարցերին «Չելսիի» հարձակվող Ռոմելու Լուկակուի՝ ակումբ հնարավոր ժամանելու և իտալական թիմից հարձակվող Վիկտոր Օսիմհենի հնարավոր հեռանալու մասին։
«Ես չեմ խոսում այն ֆուտբոլիստների մասին, ովքեր «Նապոլիի» կազմում չեն։ Ինչ վերաբերում է Վիկտոր Օսիմհենին, ապա իրավիճակը 100%-ով կախված է ակումբից և ֆուտբոլիստից։ Ես չեմ մանրամասնում այս պատմությունը, քանի որ այն սկսվել է թիմը ստանձնելուց առաջ»,- Կոնտեի խոսքերը մեջբերում է լրագրող Ֆաբրիցիո Ռոմանոն։
Ավելի վաղ հաղորդվում էր, որ «Չելսին» հետաքրքրված է Օսիմհենի ծառայություններով և պատրաստ է Լուկակուին ներառել նիգերիացի հարձակվողին ձեռք բերելու գործարքում։ Սակայն հաղորդվում էր, որ ակումբները չեն կարողացել պայմանավորվել տրանսֆերային գումարի շուրջ։
