«Թոթենհեմի» գլխավոր մարզիչ Անժե Պոստեկոգլուն հայտնել է, որ կիսապաշտպան Իվ Բիսուման որակազրկվել է Պրեմիեր Լիգայի նոր մրցաշրջանում թիմի առաջին խաղից։ Ավելի վաղ Snapchat սոցիալական ցանցում տեսանյութ էր հրապարակվել, որը վարում էր մի մալիացի, որտեղ ֆուտբոլիստն ընկերների հետ լիմուզինում ծիծաղի գազ է օգտագործում։
«Մենք նրան որակազրկեցինք երկուշաբթի օրը «Լեսթերի» դեմ խաղից: Նա պետք է վերականգնի թե՛ իմ, թե՛ թիմի վստահությունը։ Այժմ նա պետք է քրտնաջան աշխատի, որպեսզի փորձի ու վերագտնի այդ վստահությունը։ Նա պետք է վաստակի դա:
Դուռը բաց է նրա համար, և հուսով ենք, որ մենք կարող ենք օգնել նրան գիտակցել, որ իր կայացրած որոշումներն ազդում են ոչ միայն նրա վրա: Հուսանք, որ դա նրան թույլ կտա ապագայում ավելի տեղեկացված որոշումներ կայացնել:
Նա պարտավորություններ ունի ակումբի, իր թիմակիցների, մեր երկրպագուների և ակումբի հետ առնչվող բոլորի նկատմամբ, և նա ձախողել է դրանք, ուստի դրա համար պետք է պատժամիջոցներ լինեն։ Կան նաև անձնական հետևանքներ, քանի որ դա անօրինական է։
Այնուհետև կա մասնագիտական պատասխանատվություն այն օրինակի համար, որը դուք ցույց եք տվել որպես պրոֆեսիոնալ ֆուտբոլիստ: Քանի որ շատ մարդիկ հետևում են Պրեմիեր Լիգային, և մենք բոլորս բավականին արտոնյալ վիճակում ենք:
Նա վատ ընտրություն կատարեց, բայց մենք բոլորս էլ սխալվում ենք, և բոլորը, այդ թվում՝ ֆուտբոլիստները, պետք է հնարավորություն ունենան փրկագնելու իրենց: Այժմ ամեն ինչ կախված է հենց Բիսից»,- ասել է Պոստեկոգլուն։
