«Լութոնի» ավագ Թոմ Լոքյերը, որը դեկտեմբերին Անգլիայի Պրեմիեր լիգայի խաղերից մեկի ժամանակ սրտի կանգ էր ստացել, սկսել է մարզվել թիմի մարզաբազայում։ Այս մասին հայտնում է ակումբի կայքը։
Նշվում է, որ ֆուտբոլիստը գտնվում էր Լոնդոնի և Ամստերդամի առաջատար սրտաբանների հսկողության տակ, որտեղ նա ավարտեց վերականգնողական վերջին փուլը մասնագիտացված կլինիկայում։ Առաջիկայում պաշտպանը կմարզվի անհատական ծրագրով։
Հիշեցնենք, որ «Լութոնի» և Ուելսի պաշտպան Լոքյերի մոտ սրտի կանգ էր գրանցվել 2023 թվականի դեկտեմբերի 16-ին «Բորնմութի» դեմ խաղի ժամանակ։
