Մադրիդի «Ռեալը» դեռ ցանկանում է պայմանագիր կնքել «Բավարիայի» պաշտպան Ալֆոնսո Դևիսի հետ։ Ինչպես հայտնում է TodoFichajes-ը, ֆուտբոլիստի հետ տրանսֆերային սագան դեռ չի ավարտվել։
Աղբյուրի համաձայն՝ «Ռեալը» նախատեսում է ամառային տրանսֆերային պատուհանի վերջին օրերին 23-ամյա կանադացու համար առաջարկ անել «Բավարիային»։
Մադրիդյան ակումբը կարծում է, որ «Բավարիան» ճնշման տակ կլինի, քանի որ Դևիսի գործող պայմանագիրը կավարտվի հաջորդ ամառ։
Միաժամանակ, «Ռեալը» չի պատրաստվում Դևիսի համար վճարել 35 միլիոն եվրոյից ավելի։
