«Մանչեսթեր Յունայթեդը» հետաքրքրված է «Էվերթոնի» հարձակվող Դոմինիկ Կալվերտ-Լյուինի ծառայություններով։
27-ամյա ֆուտբոլիստի պայմանագիրը ավարտվում է մեկ տարուց էլ քիչ ժամանակ անց, ինչը հետաքրքրություն է առաջացնում այլ ակումբների կողմից: Ինչպես հայտնում է Sky Sports-ը, «Մանչեսթեր Յունայթեդը» քննարկել է հարձակվողի հնարավոր պայմանագիրը։ Այնուամենայնիվ, «կարմիր սատանաները» պետք է մի քանի վաճառք իրականացնեն՝ նախքան նոր ձեռքբերումներ կատարելը:
Transfermarkt պորտալի փորձագետները Դոմինիկ Կալվերտ-Լյուինի արժեքը գնահատում են 22 միլիոն եվրո։ Անցած մրցաշրջանում անգլիացին Պրեմիեր Լիգայում «Էվերթոնի» կազմում անցկացրած 32 խաղում դարձել է 7 գոլի և 2 գոլային փոխանցման հեղինակ:
