Վիտոր Ռոկեն կարող է կարիերան շարունակել Պրեմիեր Լիգայում։

Հաղորդվում էր, որ «Բարսելոնան» հաջորդ մրցաշրջանում հույս չունի 19-ամյա հարձակվողի վրա և որոշել է վաճառել ֆուտբոլիստին կամ վարձակալությամբ տալ նրան։

Ինչպես տեղեկացնում է Diario Sport-ը, Ռոկեի ծառայություններով հետաքրքրված են «Էվերթոնը» և «Բորնմութը», «Ալ-Իթթիհադը» նույնպես հետևում է իրավիճակին: Ինքը՝ ֆուտբոլիստը, և նրա գործակալը նախընտրելի են դիտարկում Պրեմիեր Լիգայի տարբերակները․ Ռոկեն ավելի վաղ մերժել էր «Ալ-Հիլալի» առաջարկը:

Նշվում է, որ «Բարսելոնան» նախընտրում է վաճառել բրազիլացուն՝ վախենալով, որ անհաջող վարձակալության դեպքում նրա տրանսֆերային արժեքը կնվազի։

Լրագրող Ֆլորիան Պլետենբերգը պարզաբանում է, որ «Բարսելոնան» արդեն մերժել է «Էվերթոնի» առաջին առաջարկը՝ 25+3 միլիոն եվրո՝ կատալոնական ակումբը Ռոկեի համար խնդրում է 30-35 միլիոն եվրո, ակումբների միջև բանակցությունները շարունակվում են։