«Բարսելոնան» ուշադիր հետևում է «Լիվերպուլի» 25-ամյա աջ պաշտպան Տրենտ Ալեքսանդր-Առնոլդի հետ կապված իրավիճակին, ում պայմանագիրը անգլիական գրանդի հետ ավարտվում է 2025 թվականի ամռանը։ Այս մասին հայտնում է The Sun-ը։
Աղբյուրի համաձայն՝ բացի կատալոնական ակումբից, անգլիացի ֆուտբոլիստի նկատմամբ շարունակում է հետաքրքրություն ցուցաբերել Մադրիդի «Ռեալը»։ Երկու իսպանական գրանդները կարծում են, որ «Լիվերպուլը» կարող է բաժանվել Ալեքսանդր-Առնոլդից։
Ալեքսանդր-Առնոլդը «Լիվերպուլի» սան է։ Transfermarkt-ը ֆուտբոլիստի արժեքը գնահատում է 70 միլիոն եվրո:
