35-ամյա Մատս Հումելսը Դորտմունդի «Բորուսիայից» հեռանալուց հետո դեռ նոր ակումբ չի գտել։
Գերմանացի վետերանը դիտարկում է տարբեր երկրների առաջարկները, սակայն դեռ չի կարողանում համապատասխան տարբերակ գտնել։ Ինչպես հայտնի է դարձել ինսայդեր Նիկոլո Շիրային, Հումելսի ծառայությունները վերջերս առաջարկվել են «Յուվենտուսին», սակայն թուրինյան թիմը հետաքրքրություն չի ցուցաբերել: Բյանկոներիների ղեկավարությունն այժմ այլ ծրագրեր ունի։
Վերջին շաբաթների ընթացքում Գերմանիայի հավաքականի նախկին կենտրոնական պաշտպանի հիմնական հավակնորդներն են «Բոլոնիան» և «Բրայթոնը»:
