Իսպանացի դարպասապահ Դավիդ դե Խեան կարող է տեղափոխվել իտալական «Ֆիորենտինա» , սոցցանցերում հայտնում է լրագրող Նիկոլո Շիրան։

Նրա խոսքով՝ «Ֆիորենտինան» արդեն համաձայնել է մինչև 2026 թվականը պայմանագիր կնքել դարպասապահի հետ։

Դե Խեան հեռացավ «Մանչեսթեր Յունայթեդից» 2023 թվականի ամռանը և այդ ժամանակվանից ազատ գործակալ է։ Transfermarkt-ը դարպասապահին գնահատում է հինգ միլիոն եվրո։

Մայիսին մամուլում տեղեկություններ հայտնվեցին, որ դարպասապահը կարող է կարիերան շարունակել Մադրիդի «Ատլետիկոյում»։ Դե Խեան 2007-2011 թվականներին հանդես է եկել Մադրիդի «Ատլետիկոյում», որտեղից տեղափոխվել է «Մանչեսթեր Յունայթեդ»։

Հուլիսին հաղորդվում էր, որ դարպասապահով հետաքրքրված են Սաուդյան Արաբիայի առաջնության թիմեր։