Մադրիդի «Ռեալի» և Գերմանիայի հավաքականի նախկին կիսապաշտպան Տոնի Կրոսը խոսել է Լիոնել Մեսսիի և Կրիշտիանու Ռոնալդուի մրցակցության մասին:
«Իրենց կարիերայի ընթացքում նրանք կախվածություն են ունեցել հաջողությունից: Այն երբեք չի դադարել: Եվ նրանք որոշեցին չհեռանալ գագաթնակետին, ինչպես բոլոր ֆուտբոլիստների 95 տոկոսը:
Իսկ եթե գոհ են դրանից, ուրեմն ամեն ինչ լավ է։ Բայց ակնհայտ է նաև, որ, օրինակ, Կրիշտիանուի համար գործերը երբեք այնպես լավ չեն դասավորվել, ինչպես «Ռեալում»:
Վստահ եմ, որ նա ճիշտ նույն կերպ է տեսնում իրավիճակը»,- Կրոսի խոսքերն է մեջբերում Bild-ը։
Հիշեցնենք, որ Կրոսը ավարտել է իր կարիերան EURO-2024-ից հետո:
