Դորտմունդի «Բորուսիայի» հարձակվող Յուսուֆա Մուկոկոն մոտ է «Մարսել» տեղափոխվելուն։
Ըստ ինսայդեր Ֆաբրիցիո Ռոմանոյի՝ չնայած եվրոպական հինգ ակումբների առաջարկներին, երիտասարդ հարձակվողը որոշել է միանալ պրովանսցիներին: Կողմերը ներկայումս քննարկում են գործարքի ձեւաչափը։ Ամենայն հավանականությամբ, սա կլինի վարձակալություն՝ ֆուտբոլիստին գնելու հնարավորությամբ։
Անցած մրցաշրջանում Յուսուֆա Մուկոկոն Դորտմունդի «Բորուսիայի» կազմում անցկացրել է 27 հանդիպում բոլոր մրցաշարերում՝ դառնալով 6 գոլի հեղինակ: Հարձակվողի պայմանագիրը «իշամեղուների» հետ նախատեսված է մինչև 2026 թվականի ամառը, իսկ ֆուտբոլիստի տրանսֆերային արժեքը գնահատվում է 22 միլիոն եվրո։
