«Մանչեսթեր Սիթիի» բրազիլացի դարպասապահ Էդերսոնը չի տեղափոխվի «Ալ-Իթիհադ»։

Ինչպես հայտնում է ինսայդեր Ֆաբրիցիո Ռոմանոն՝ Սաուդյան Արաբիայի ակումբը պատրաստվում է պաշտոնականացնել «Մալյորկայում» հանդես եկող Պրեդրագ Ռայկովիչի տրանսֆերը։ Դարպասապահի տրանսֆերի համար թիմը կվճարի մոտ 11 մլն եվրո։ Այդ պատճառով Էդերսոնի տրանսֆերը չի կայանա։

Էդերսոնը անգլիական ակումբում է հանդես գալիս 2017 թվականից։ Էդերսոնի պայմանագիրը «Մանչեսթեր Սիթիի» հետ ավարտվում է 2026 թվականին, իսկ դարպասապահի տրանսֆերային արժեքը գնահատվում է 35 միլիոն եվրո։