Մադրիդի «Ատլետիկոյի» մամուլի ծառայությունը հայտարարել է «Վիլյառեալի» հարձակվող Ալեքսանդր Սյորլոտի տեղափոխության մասին։
Հարձակվողի հետ պայմանագիրը կնքվել է մինչև 2028 թվականի ամառ։ Տրանսֆերի գումարը կազմել է 32 մլն եվրո։
Անցած մրցաշրջանում Ալեքսանդր Սյորլոտը «Վիլյառեալի» կազմում անցկացրել է 41 հանդիպում բոլոր մրցաշարերում՝ դառնալով 26 գոլի և 6 գոլային փոխանցման հեղինակ։ Նորվեգացին անցած մրցաշրջանի արդյունքներով դարձավ Իսպանիայի առաջնության երկրորդ լավագույն ռմբարկուն:
