Ռաֆինյան և Ֆրենկի դե Յոնգը չեն ցանկանում հեռանալ «Բարսելոնայից»:
Ինչպես հաղորդում է As-ը, կատալոնական ակումբը պետք է ֆուտբոլիստներ վաճառի կազմն ուժեղացնելու համար եւ պատրաստ է դիտարկել բրազիլացուն ու հոլանդացուն վաճառելու տարբերակը։
Այնուամենայնիվ, իրենք հաստատակամ են «Բարսայում» մնալու իրենց ցանկության մեջ և իրենց գործակալներին հանձնարարել են անտեսել ակումբի խնդրանքները տրանսֆերային առաջարկներով: Դե Յոնգի դեպքում իրավիճակը բարդացնում է նրա վնասվածքը։ Ռաֆինյան առաջարկ ունի Սաուդյան Արաբիայից, սակայն հետաքրքրված չէ տեղափոխվելու հարցում:
Ինչ վերաբերում է Ռոնալդ Արաուխոյին, ապա նրա գործակալները չեն առարկել տեղափոխությանը, եթե առաջարկը գրավիչ լինի ֆուտբոլիստի համար: Սակայն ներկայումս պաշտպանը ապաքինվում է վնասվածքից, որը նրան կպահի թիմում մինչեւ հունվար:
Նոր տրանսֆերներ թույլ տալու համար «բլաուգրանան» ստիպված կլինի բաժանվել այլ ֆուտբոլիստներից, օրինակ՝ Վիտոր Ռոկեից: Բրազիլացի հարձակվողի գործակալն արդեն հայտնել է ակումբին համագործակցությունը դադարեցնելու պատրաստակամության մասին, եթե նոր գլխավոր մարզիչ Հանս-Դիտեր Ֆլիկը հույսը չդնի 19-ամյա ֆուտբոլիստի վրա։
