«Մանչեսթեր Յունայթեդի» ղեկավարները դեռևս չեն կարողացել համաձայնության գալ Մյունխենի «Բավարիայի» հետ՝ ամառային այս տրանսֆերային պատուհանում հոլանդացի պաշտպան Մատիս դե Լիգտի տրանսֆերի հարցում։
Ինչպես հաղորդում է Sky Sport-ը, մանչեսթերյան ակումբի ներկայացուցիչները չեն կարողացել համաձայնության գալ «Բավարիայի» հետ 24-ամյա հոլանդացի ֆուտբոլիստի տրանսֆերի հարցում։ Մյունխենյան թիմը ցանկանում է պաշտպանի վաճառքից վաստակել առնվազն 50 միլիոն եվրո։ Հարկ է նշել, որ արձակուրդից հետո Դե Լիգտը կվերադառնա «Բավարիա» նախամրցաշրջանային մարզումների։
Հիշեցնենք, որ նախորդ մրցաշրջանում Մատիս դե Լիգտը մյունխենյան ակումբի կազմում անցկացրել է 22 հանդիպում Գերմանիայի առաջնությունում, որոնցում խփել է երկու գնդակ և ստացել հինգ դեղին քարտ։
