Պյեր-Էմերիկ Օբամեյանգը Էդի Նկետիային խորհուրդ է տվել միանալ «Մարսելին»։
Ավելի վաղ հայտնի էր դարձել, որ ֆրանսիական ակումբը մոտ է «Արսենալի» 25-ամյա հարձակվողի հետ պայմանագիր կնքելուն։ «Մարսելի» և Նկետիայի միջև պայմանագրի պայմաններն արդեն համաձայնեցված են:
Ինչպես հայտնում է The Telegraph-ի լրագրող Սեմ Դինը, Օբամեյանգը, ով լոնդոնցիների կազմում հանդես է եկել 2018-ից 2022 թվականներին, անգլիացուն խորհուրդ է տվել տեղափոխվել «Մարսել»։
Ինքը՝ 35-ամյա հարձակվողը, այս մրցաշրջանում մինչև 2026 թվականը պայմանագիր է կնքել Սաուդյան Արաբիայի «Ալ-Կադիսիայի» հետ:
