Սաուդյան Արաբիայի ակումբները շարունակում են հետաքրքրվել «Բարսելոնայի» վինգեր Ռաֆինյայի ծառայություններով։
Ինչպես հայտնում է Ֆաբրիցիո Ռոմանոն՝ սաուդյան ակումբների ներկայացուցիչները կապ են հաստատել ֆուտբոլիստի շրջապատի հետ՝ պարզելու օգոստոսին տրանսֆեր կնքելու հնարավորության մասին։
Հիշեցնենք, որ «Բարսելոնան» բաց է Ռաֆինյային վաճառելու համար, սակայն անձամբ՝ բրազիլացին, նախկինում ցանկություն էր հայտնել գոնե մեկ մրցաշրջան մնալ «Բարսելոնայում» և իրեն դրսևորել Հանս-Դիտեր Ֆլիկի գլխավորությամբ։ Իրավիճակը կարող է փոխվել մոտ ապագայում։
Իսպանիայի առաջնության ավարտված մրցաշրջանում 27-ամյա Ռաֆինյան 28 խաղում դարձել է 6 գոլի և 9 գոլային փոխանցման հեղինակ։
