«Արսենալը» հետևում է Լերոյ Սանեի իրավիճակին։
28-ամյա վինգերի պայմանագիրը մյունխենյան ակումբի հետ նախատեսված է մինչև 2025 թվականի ամառը։ Սանեն իրեն հարմարավետ է զգում թիմում և քաղաքում և ցանկանում է երկարաձգել պայմանագիրը, հայտնում է Sky Sport-ի լրագրող Քերի Հոուն։
Այն դեպքում, երբ կողմերը համաձայնության չգան, Սանեի համար «Արսենալը» կարող է դառնալ կարիերան շարունակելու տարբերակ: Լոնդոնցիները հետևում են իրավիճակին, և ֆուտբոլիստը շատ լավ հարաբերություններ է պահպանում Միկել Արտետայի հետ «Մանչեսթեր Սիթիում» միասին անցկացրած ժամանակներից:
Բունդեսլիգայում անցած մրցաշրջանում Լերոյն անցկացրել է 27 հանդիպում՝ դառնալով 8 գոլի և 11 գոլային փոխանցման հեղինակ։
