«Ֆիորենտինայի» և Մարոկկոյի հավաքականի կիսապաշտպան Սոֆյան Ամրաբատը, ով նախորդ մրցաշրջանում վարձավճարով հանդես էր գալիս «Մանչեսթեր Յունայթեդում», կարող է տեղափոխվել Մադրիդի «Ատլետիկո», հայտնում է Relevo առցանց հրատարակությունը։

Աղբյուրի համաձայն՝ Դիեգո Սիմեոնեի ակումբը հետաքրքրություն է հայտնել ֆուտբոլիստի հետ ընդունելի գումարի դիմաց, քանի որ ֆուտբոլիստի պայմանագիրն ակումբի հետ ավարտվում է մեկ տարուց։ Սակայն «հնդկահավերի» և «մանուշակների» միջև պաշտոնական շփումներ չեն եղել։

Հիշեցնենք, որ այս մրցաշրջանում 27-ամյա Ամրաբատը «կարմիր սատանաների» կազմում մասնակցել է 30 հանդիպման, որոնցում արդյունավետ չի եղել։ Ֆուտբոլիստի ներկայիս աշխատանքային պայմանագիրը «Ֆիորենտինայի» հետ նախատեսված է մինչև 2025 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 22 միլիոն եվրո։