Մադրիդի «Ռեալը» աշխատում է արգենտինացի 16-ամյա Ֆրանկո Մաստանտուոնի հետ պայմանագիր կնքելու վրա։

Հուլիսի 29-ին «Ռիվեր Փլեյթի» կիսապաշտպան Ֆրանկո Մաստանտուոնոն խաղի 87-րդ րոպեին տուգանային հարվածից շքեղ գոլ խփեց «Սարմիենտոյի» դարպասը և հաղթանակ բերեց իր թիմին (1։0)։ Այս գնդակը դարձավ նրա դեբյուտը Արգենտինայի առաջնությունում։

Ֆուտբոլիստի պայմանագրում նախատեսված է 45 միլիոն եվրո ազատման կետ, սակայն «Ռեալը» հույս ունի ձեռք բերել նրան ավելի քիչ գումարով։ Ինչպես տեղեկացնում է AS-ը, Մադրիդի «Ռեալը» 25 միլիոն եվրոյի առաջարկ է արել «Ռիվեր Փլեյթին»։