Մադրիդի «Ռեալի» դարպասապահ Տիբո Կուրտուան խոսել է թիմի գլխավոր մարզիչ Կառլո Անչելոտտիի մասին։
«Որպես թիմ մենք կարող ենք միայն շարունակել հաղթել, որպեսզի նա մնա «Ռեալում» և շարունակի մարզչական կարիերան։ Մամուլում հայտնվածին առանձնապես ուշադրություն չենք դարձնում, օր օրի աշխատում ենք։ Անչելոտտին հիանալի է։
Նա մեզ շատ լավ է մարզում, տեխնիկապես ու տակտիկապես շատ լավ է պատրաստում։ Նա հիանալի մարզիչ է` լավագույններից մեկը ֆուտբոլի պատմության մեջ»,- ասել է Կուրտուան TUDN-ին տված հարցազրույցում։
Ավելացնենք, որ Կառլո Անչելոտտիի գործող պայմանագիրը «Ռեալի» հետ նախատեսված է մինչև 2026 թվականի կեսերը։
