Մադրիդի «Ռեալի» դարպասապահ Տիբո Կուրտուան խոսել է ֆրանսիացի հարձակվող Կիլիան Մբապպեի մասին, ով ազատ գործակալի կարգավիճակով տեղափոխվել է մադրիդյան ակումբ։
«Մբապպեն աշխարհի լավագույն ֆուտբոլիստներից մեկն է։ Ավելի լավն է, երբ նա խաղում է քո թիմում, ոչ թե քո դեմ։
Նա այն ֆուտբոլիստն է, ով կարող է փոխել ցանկացած իրավիճակ խաղադաշտում, ինչպես Վինիսիուսն ու Բելինգհեմը։ Նման տրանսֆերը մեզ համար միայն պլյուս է»,- Կուրտուայի խոսքերն է մեջբերում TUDN-ը։
Հիշեցնենք, որ Մբապպեն Մադրիդի «Ռեալի» հետ պայմանագիր է կնքել առաջիկա հինգ մրցաշրջանների համար։ Ֆրանսիացի հարձակվողը «Ռեալի» կազմում հանդես կգա 9 համարի մարզաշապիկով։
