«Արսենալի» գլխավոր մարզիչ Միկել Արտետան խոսել է Իտալիայի հավաքականի կենտրոնական պաշտպան Ռիկակարդո Կալաֆիորիի՝ «Բոլոնիայից» լոնդոնյան ակումբ տեղափոխության մասին։
«Մենք ողջունում ենք Ռիկարդոյին և նրա ընտանիքին «Արսենալում»։ Սա հիանալի ձեռքբերում է, որը մեզ հսկայական ուժ կտա պաշտպանությունը ուժեղացնելու համար։ Ռիկարդոն բնավորությամբ վառ անձնավորություն է, ունի հատուկ հմտություններ, որոնք մեզ ավելի ուժեղ կդարձնեն գլխավոր գավաթներ նվաճելու ճանապարհին:
Վերջին մրցաշրջաններում նա արդեն զգալի առաջընթաց է գրանցել՝ խաղալով ինչպես «Բոլոնիայում», այնպես էլ Իտալիայում: Նրա առաջընթացը անցյալ տարի իսկապես տպավորիչ էր: Մենք անհամբեր սպասում ենք Ռիկարդոյի հետ աշխատելուն, նրան թիմում ինտեգրելուն և առաջիկա տարիներին աջակցելուն»,- Արտետայի խոսքը մեջբերում է ակումբի մամուլի ծառայությունը։
Հիշեցնենք, որ այսօր՝ հուլիսի 29-ին, «Արսենալը» հայտարարեց Ռիկարդո Կալաֆիորիի «զինագործների» ճամբար տեղափոխության մասին։
