Իլկայ Գյունդողանը հետաքրքրում է մերձավորարևելյան ակումբներին:
Diario Sport-ը հայտնում է, որ «Բարսելոնային» գումար է պետք Դանի Օլմոյին և Նիկո Ուիլյամսին ձեռք բերելու համար և կարծում է, որ գերմանացի կիսապաշտպանից բաժանվելը կարող է շահավետ քայլ լինել:
Սպասվում է, որ գլխավոր մարզիչ Հանս-Դիտեր Ֆլիկը կքննարկի 33-ամյա ֆուտբոլիստի ապագան: Հաղորդվել է, որ նա իր հայրենակցին որպես առանցքային դեմք չի դիտարկում։ Նրանց առաջին հանդիպումը կկայանա հուլիսի 28-ին։
Քաթարի և Սաուդյան Արաբիայի թիմերը ցանկանում են պայմանագիր կնքել Գյունդողանի հետ: Ավելի վաղ հայտնի էր դարձել, որ նրանցից մեկը «Ալ-Սադն» է։
Ինքը՝ ֆուտբոլիստը, կնախընտրեր մնալ թիմում մինչև պայմանագրի ավարտը։ Ասում են, որ եթե ոչ մի անսպասելի բան տեղի չունենա, ապա ամռանը կիսապաշտպանը չի հեռանա։
