Անգլիայի հավաքականի նախկին կիսապաշտպան Փոլ Սքոուլզը կարծում է, որ Պեպ Գվարդիոլան կլինի իդեալական մարզիչ ազգային հավաքականի համար: EURO-2024-ի ավարտին, որտեղ Անգլիան զբաղեցրեց երկրորդ տեղը, Գարեթ Սաութգեյթը թողեց թիմի գլխավոր մարզչի պաշտոնը։
«Խաղացողների այս խումբը լավագույնն է, որը մենք ունեցել ենք այս տարիների ընթացքում: Նրանք ֆուտբոլ են խաղում գրեթե այնպես, ինչպես Գվարդիոլայի «Մանչեսթեր Սիթին»։ Տեխնիկապես նրանք շատ լավն են, կարողանում են գնդակը պահել ամբողջ խաղի ընթացքում։
Նրանք դժվարություններ ունեցան որոշ խաղերում, չկարողացան գոլ խփել, չկարողացան ստեղծել այնքան հնարավորություններ, որքան կցանկանային։ Կարծում եմ՝ Պեպի նման մեկը կարող է այս թիմին տանել մեծ նվաճումների։
Հնարավո՞ր է արդյոք նման նշանակումը, ես չգիտեմ, բայց կարծում եմ, որ նրա տեսակետը ֆուտբոլի նկատմամբ կօգնի այս թիմին մեկ քայլ առաջ գնալ», – ասել է Սքոուլզը Sky Sports-ին։
