«Չելսին» կարող է ակումբի դարպասապահ Կեպա Արիսաբալագային փոխանակել Մադրիդի «Ռեալի» և Ուկրաինայի հավաքականի դարպասապահ Անդրեյ Լունինի հետ, հայտնում է AS-ը։
Աղբյուրի փոխանցմամբ՝ իսպանացին ցանկանում է շարունակել ելույթները մադրիդյան ակումբում՝ նույնիսկ լինելով երկրորդ համարը Տիբո Կուրտուայից հետո։ Լունինը ցանկանում է հեռանալ թիմից, քանի որ հետաքրքրված է մշտական խաղային պրակտիկայով։
Չնայած դարպասապահների մեծ թվին և «Վիլյառեալի» դարպասապահ Մարտին Յորգենսենի նկատմամբ ցուցաբերած հետաքրքրությանը, «Չելսին» ցանկանում է ուկրաինացուն ընդգրկել իր թիմում: Հաղորդվում է, որ «Ռեալը» համաձայն է փոխանակմանը, սակայն որոշակի հավելավճարով, որի չափը դեռ պարզված չէ։
Անցած մրցաշրջանում Կեպան վարձավճարով հանդես եկավ «Ռեալում» և 20 խաղում բաց թողեց 18 գոլ՝ 8 անգամ էլ անառիկ պահելով դարպասը։
Անցած մրցաշրջանում Լունինը անցկացրել է 31 հանդիպում, որոնցից 12-ում անառիկ է պահել դարպասը, իսկ մնացածում բաց է թողել 32 գոլ։
