Մադրիդի «Ռեալի» գլխավոր մարզիչ Կառլո Անչելոտտին խոսել է այն մասին, թե ինչպես է նախատեսում օգտագործել թիմի նորեկ Կիլիան Մբապպեին։
«Ինչպես ես տեսնում եմ, որ նա խաղալու է առջևում, բայց ավելի մոտ եզրին: Կարծում եմ, որ լավ հարձակվողական խաղի բանալին շարժունակությունն է։
Եթե հարցնեք, թե որտեղ է խաղացել Վինիսիուսը նախորդ մրցաշրջանում, պատասխան գտնելը հեշտ չի լինի: Նա ձախ եզրային հարձակվող չէր խաղում։ Երբեմն նա գործում էր ձախ, երբեմն էլ՝ կենտրոնում։ Բելինգհեմը խաղում էր ձախ, աջ և կենտրոն։ Ռոդրիգոն իր հանդիպումների մեծ մասը սկսում էր աջից, բայց երբեմն հանդիպումների ժամանակ տեսնում էի, որ նա խաղում էր ձախից։ Շարժական լինելը շատ կարևոր է։
Ես ցանկանում եմ խաղացողներին ազատություն տալ։ Նրանք պետք է կարողանան գլուխ հանել խաղային իրավիճակներից։ «Սիթիի» դեմ խաղերից մեկում Ռոդրիգոն և Վինիսիուսը միասին խաղացին ձախ եզրում, այնպես որ մենք օգտվեցինք դրանից։
Մբապպեին թիմում տեղավորելը խնդիր չի լինի։ Կարևոր է, որ նա հարմարվի դրան։ Ամենակարևորն այն է, որ յուրաքանչյուր խաղացող իր տաղանդն ու որակներն օգտագործի ի շահ թիմի»,- Անչելոտտիի խոսքերն է մեջբերում AS-ը։
