Հայտնի է դարձել Չեմպիոնների Լիգայի 2023/24 մրցաշրջանի եզրափակչում խաղադաշտ ներխուժած երկրպագուներից մեկի դատավճիռը։
Դորտմունդի «Բորուսիա» – «Ռեալ» (0:2) եզրափակիչ հանդիպման ժամանակ 16-ամյա դեռահասը վազել է խաղադաշտ: Դեռահասը դատապարտվել է վեց ամսվա պայմանական ազատազրկման, հաղորդում է BBC-ն։ Նրան պարտավորեցրել են վճարել նաև դատական ծախսերը։
Պայմանական պատիժ նշանակելը պատճառաբանվել է նրանով, որ դատարանը կարողացել է պարզել, որ հանցանքը կատարվել է դրդման արդյունքում։ Հետաքննության ընթացքում տղան խոստովանել է, որ խաղադաշտ է վազել որպես բելառուսական հեռարձակող Անդրեյ Բուրիմի 300 հազար ֆունտ ստերլինգ արժողությամբ խաղարկության մի մաս, որը հայտնի է Mellstroy կեղծանունով։
Նշվում է, որ օգոստոսի 27-ին դատարան կկանգնի այս գործով մեկ այլ մեղադրյալ։ Երրորդ իրավախախտին 3 տարով արգելել են ներկա գտնվել ֆուտբոլային հանդիպումներին։
