«Բարսելոնան» չի կարողանում համաձայնության գալ «Մանչեսթեր Սիթիի» հետ պաշտպան Ժոաու Կանսելուի տրանսֆերի հարցում, հայտնում է Mundo Deportivo-ն։
Աղբյուրի տեղեկություններով՝ կատալոնական ակումբն ավելի քիչ է առաջարկում, քան անգլիական ակումբը կցանկանար ստանալ պաշտպանի համար։
30-ամյա ֆուտբոլիստը «Մանչեսթեր Սիթի» է տեղափոխվել 2019 թվականի օգոստոսին «Յուվենտուսից»։ Ֆուտբոլիստի պայմանագիրը նախատեսված է մինչև 2027 թվականի ամառը։ Transfermarkt-ը Կանսելուին գնահատում է 25 միլիոն եվրո։
Անցած մրցաշրջանում պաշտպանը «Բարսելոնայի» կազմում անցկացրել է 42 հանդիպում, խփել 4 գոլ և կատարել 5 գոլային փոխանցում։
