«Բենֆիկայի» և Պորտուգալիայի հավաքականի կիսապաշտպան Ժոաու Նևեշը կարիերան կշարունակի Ֆրանսիայի առաջնությունում։
Ինչպես հայտնում է ինսայդեր Պեդրո Ալմեյդան, ՊՍԺ-ն համաձայնության է եկել «Բենֆիկայի» հետ 19-ամյա ֆուտբոլիստի տրանսֆերի շուրջ 80 միլիոն եվրոյի դիմաց։ Ինքը՝ խաղացողը, պայմանավորվել է Ֆրանսիայի չեմպիոնների հետ անձնական պայմանագրի կետերի շուրջ։
Անցած մրցաշրջանում Ժոաու Նևեշը մասնակցել է 33 հանդիպման, դարձել 3 գոլի և 1 գոլային փոխանցման հեղինակ։
