«Լիվերպուլը» աշխատում է ամառային տրանսֆերային պատուհանի ժամանակ թիմը ուժեղացնելու վրա։ Ինչպես հայտնում է Goal՝ «Ռեալ-Սոսյեդադի» հարձակվող Տակեֆուսա Կուբոն հայտնվել է անգլիական ակումբի ուշադրության կենտրոնում։
Աղբյուրի համաձայն՝ «Լիվերպուլը» պատրաստ է իսպանական թիմին 65 միլիոն եվրո առաջարկել Կուբոյի տրանսֆերի համար։ Սա 5 միլիոնով ավելի է, քան 23-ամյա ֆուտբոլիստի պայմանագրում նշված գնման գումարը։
Նշվում է, որ Կուբոն կարող է դառնալ պատմության ամենաթանկ ճապոնացի ֆուտբոլիստը, ինչպես նաև պատմության ամենաբարձր վարձատրվող ճապոնացին։
Կուբոյի տարեկան աշխատավարձը «Էնֆիլդում» կարող է կազմել 15 միլիոն եվրո։
